د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

چارواکي په هلمند کې لسګونو طالبانو ته د مرګ ژوبلې اوښتو ادعا کوي

ارشيف

چارواکي په هلمند کې لسګونو طالبانو ته د مرګ ژوبلې اوښتو ادعا کوي

Mar 19, 2018 - 14:35

لښکرګاه (پژواک، ٢٨ کب ٩٦): د هلمند حکومتي چارواکي وايي چې د افغان ځواکونو د عملياتو په ترڅ کې ٣٢ طالبان وژل شوي او يو شمېر نور ټپيان دي.

د هلمند د امنيې قوماندانۍ وياند دويم څارن عبدالسلام افغان د کب په ٢٨مه پژواک خبري اژانس ته وويل چې افغان ځواکونو تېره ورځ او تېره شپه د مارجې ولسوالۍ د وکيل وزير په څلورلاره کې هوايي او ځمکني عمليات کړي دي.

هغه وايي چې په دې عملياتو کې ٢٥ وسله وال طالبان وژل شوي، يو شمېر نور ټپيان دي او لسګونه کړۍ ماينونه هم کشف او شنډ کړاى شوي دي.

نوموړي دغه راز وويل د هلمند- کندهار لويې لارې په اوږدو کي هم پنځه وسله وال طالبان وژل شوي او څلور نور ټپيان دي.

ده زياته کړه چې د نادعلي ولسوالۍ په شين ګل پمپ سیمه کې هم دوه طالبان د عملياتو پر مهال وژل شوي.

نوموړي وويل چې په دې پېښو کې امنيتي سرتېرو ته مرګ ژوبله نه ده اوښتې.

دغه راز د هلمند د والي وياند عمر ځواک د طالبانو د يادې مرګ ژوبلي د پخلي تر څنګ وويل چې په مارجې ولسوالۍ کې يو د ملي اردو سرتېری وژل شوی او څلور نور ټپيان دي.

هغه زياته کړه د وسله والو طالبانو پر ضد په بېلابېلو سيمو کې عمليات روان دي چې تر اوسه يې ښې پايلې درلودې.

بل لور ته طالبان هم دغه جګړې تاييدوي.

د دې ډلې وياند قاري يوسف احمدي پژواک ته وويل چې په نادعلي، مارجې او ناوې ولسواليو کې طالبانو ګڼو امنيتي سرتېرو ته مرګ ژوبله اړولې ده.

د يادونې ده، هلمند د افغانستان تر ټولو نا امن ولايت دى چې دا مهال يې د شپږو ولسواليو بشپړ کنټرول له وسله والو طالبانو سره دى.