د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

شبرغان کې يوې ښځې ځان وژنه کړې

ارشيف

شبرغان کې يوې ښځې ځان وژنه کړې

Mar 19, 2018 - 13:50

شبرغان (پژواک، ٢٨ کب ٩٦): د جوزجان ولايت چارواکي وايي چې د ولايت په مرکز شبرغان ښار کې يوې اتلس کلنې ښځې د چره يي ټوپک په وسيله ځان وژنه کړې ده.

د جوزجان د والي وياند محمد رضا غفوري پژواک خبري اژانس ته وويل چې دغه ښځه د سرپل ولايت اصلي اوسېدونکې ده او اوس يې د شبرغان ښار په سخي اباد کلي کې ژوند کاوه.

هغه زياته کړه چې یادې ښځې له یو کال راهیسې واده کړى و، خو اولاد يې نه درلود.

د والي وياند وويل چې تر اوسه د پېښې انګېزه نه ده معلومه، خو کله چې ځان وژنه کوي، د کورنۍ نور غړي یې سمدستي پولیسو ته خبر ورکوي.

غفوري وويل چې د پېښې په تړاو يې څوک نه دي نيولي او نه هم د نجلۍ پلار پوليسو ته شکيات کړى، خو د پېښې په تړاو څېړنې پيل شوې دي.

د جوزجان، سرپل او فارياب ولايتونو لپاره د بشري حقونو سازمان مسوولې مغفرت صميمي پژواک ته وويل چې ممکن دغه قضيه د تاوتريخوالي په سبب رامنځته شوې وي چې د امنيتي ارګانونو څېړنې ته اړتيا لري.

د روان کال له پيله تر دې دمه په جوزجان کې پنځو ښځو د تاوتريخوالي په سبب ځان وژنه کړې او پنځه نورې وژل شوې دي.