د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

پکتیکا کې ۲۴ طالبانو ته مرګ ژوبله اوښتې

پکتیکا کې ۲۴ طالبانو ته مرګ ژوبله اوښتې

Mar 18, 2018 - 16:25

ښرنه (پژواک، ٢٧ کب ٩٦): د پکتيکا امنيتي چارواکي وايي چې د دغه ولایت په اورګون ولسوالۍ د هوايي او ځمکني بريدونو په ترڅ کې ١٦ وسله وال طالبان وژل شوي او اته نور ټپيان دي.

د پکتيکا د امنيې قوماندانۍ وياند شاه محمود ارين د کب په ٢٧مه پژواک خبري اژانس ته وويل چې تېره شپه افغان ځواکونو د اورګون ولسوالۍ په پيرکوټي، خرم بازار او لوى پيرکوټي سيمو کې هوايي او ځمکني عمليات کړي دي.

هغه وايي چې په دغو عملياتو کې ١٦ وسله وال طالبان وژل شوي او اته نور ټپيان دي.

د ارين د معلوماتو له مخې، په دې عملياتو کې د طالبانو دوه مهم مرکزونه له منځه تللي خو دوه افغان سرتېري هم ټپيان شوي دي.

دغه راز د ۲۰۳ تندر قول اردو د زون قوماندان تورن جنرال شعور ګل هم وويل چې د پکتيکا په ډېرو سيمو کې د افغان ځواکونو ځمکني او هوايي عملیات روان دي.

هغه زياته کړه چې تېره شپه يې د اورګون ولسوالۍ اړوند سيمو کې بمبار او ځمکني عمليات کړي چې په ترڅ کې یې ګڼو طالبانو ته مرګ ژوبله اوښتې ده.

د پيرکوټي سيمې يوه اوسېدونکي محمدالله پژواک ته وويل چې تېره شپه په دې سيمه کې د شپې تر ناوخته پورې د ډزو غږونه اورېدل کېدل.

خو نوموړي د مرګ ژوبلې په اړه معلومات نه درلودل.

بل لور ته وسله والو طالبانو تر اوسه په دې اړه څه نه دي ويلي.

خو د دې ډلې وياند ذبيح الله مجاهد رسنيو ته ويلي چې تېره شپه طالبانو د پکتيکا د جاني خېلو ولسوالۍ په هستې کلي کې د سيمه ييزو پوليسو پر پوستې بريد کړى چې په ترڅ کې یې پنځه پوليس وژل شوي دي.

خو د امنيې قوماندانۍ وياند بيا وايي چې د جاني خېلو په بريد کې يواځې دوه سيمه ييز پوليس ټپيان شوي او يو رينجر موټر له منځه تللى دى.

د يادونې ده، د هوا په ګرمېدو سره د افغانستان په بېلابېلو سيمو کې جګړو زور اخيستى چې له امله يې د ښکېلو خواو تر څنګ ملکي خلکو ته هم مرګ ژوبله اوړي.