د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

غزني کې پولیسو ته مرګ ژوبله اوښتې

ارشيف

غزني کې پولیسو ته مرګ ژوبله اوښتې

Mar 18, 2018 - 13:29

غزني ښار(پژواک،٢٧کب٩٦): په غزني ښار کې د وسله والو طالبانو د بريد له امله پنځه پوليس وژل شوي او دوه نور ټپيان دي.

د غزني امنيه قوماندان مل پاسوال محمد زمان د کب په ٢٧مه پژواک خبري اژانس ته وويل چې نن سهار وسله والو طالبانو د قلعه قاضي په سيمه کې د پوليسو پر پوستې بريد کړى دى.

هغه وايي چې په دغه بريد کې پنځه پوليس وژل شوي او دوه نور ټپيان دي خو د طالبانو بريد پر شا تمبول شوى دى.

د غزني امنيه قوماندان وايي چې په دغه بريد کې طالبانو ته هم مرګ ژوبله اوښتې خو کره شمېره يې تر اوسه په ډاګه نه ده.

دغه راز د قلعه قاضي سيمې اوسېدونکي محمد مصطفى پژواک ته وويل چې سهار مهال د دوى په سيمه کې د پوليسو او طالبانو تر منځ جګړه وشوه.

هغه وايي: ((د مرګ ژوبلې په اړه يې معلومات نه لرم، خو طالبانو نارې وهلې چې پوسته يې نيولې ده.))

بل لور ته طالبان هم دغه جګړه تاييدوي.

د دې ډلې وياند ذبيح الله مجاهد پژواک ته وويل چې د قلعه قاضي پوسته طالبانو نيولې ده.

هغه وويل چې د دې پوستې د نيولو پر مهال اته پوليس وژل شوي او وسلې يې طالبانو له ځان سره وړې دي.

مجاهد وايي چې په دغه بريد کې يواځې يو طالب ټپي شوى دى.

د يادونې ده، په روان کال کې دا څويم ځل دى چې وسله وال طالبان دغه پوسته نيسي او پوليسو ته مرګ ژوبله اړوي.