د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

په سرپل کې د اويا زره مېوه لرونکو نيالګيو وېش پيل شو

په سرپل کې د اويا زره مېوه لرونکو نيالګيو وېش پيل شو

Mar 06, 2018 - 15:32

سرپل (پژواک، ١٥ کب ٩٦): د سرپل ولايت د کرنې رياست د دغه ولايت په مرکز او ولسواليو کې ٥٦٠ تنو ته په اته سوه جريبه ځمکه کې د باغونو جوړولو په موخه د اويا زره مېوه لرونکو نيالګيو د وېش لړۍ پيل کړه.

د سرپل د کرنې رياست د بڼوالۍ امر ډاکتر کنشکا حميدي وويل چې د دغو نيالګيو ټوليز ارزښت څلور ميليون افغانۍ کېږي چې پنځوس سلنه يې د رياست او پاتې يې د خلکو له لوري ورکول کېږي.

نوموړي د ولايت په مرکز کې د يادو نيالګيو د وېش پر مهال وويل چې د نيالګيو له وېش يې موخه دا ده چې د افغانستان د مېوې محصولات زيات شي او د خلکو اقتصاد وده وکړي.

هغه زياته کړه چې د نيالګيو د وېش بهير په څو ورځو کې د دغه ولايت مرکز او ولسواليو کې بشپړېږي.

د نيالګيو ترلاسه کوونکو د دولت د دغه اقدام ستاينه وکړه.

د دغه ولايت د ګوسفندي ولسوالۍ اوسېدونکي فيض محمد پژواک ته وويل چې په کم لګښت سره د نيالګيو وېش له بڼوالو سره ستره مرسته ده.

د صياد ولسوالۍ اوسېدونکي محمد رسول هم ورته نظر درلود او زياته يې کړه چې حکومت د دې تر څنګ خلکو ته د بڼوالۍ په برخه کې هم لارښوونه کوي.

د سرپل د کرنې رياست څه موده وړاندې اعلان کړى و چې له خلکو سره ددې ولايت په بېلابېلو سيمو کې پر اووه زره جريبه ځمکه کې د بڼ جوړولو په چاره کې مرسته کړې.