د پژواک خدمتونه

د انځورونو څانګه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

د رسنيزو خبرتياوو خدمتونه

د پژواک د سوداګريزو اعلانونو خدمتونه

دګرځنده ټيلېفون اپلکېشېن

Daily Newsletter

Language
Sending Time (GMT / Kabul time)

پاکستان: امريکا د ملا فضل الله د وژلو ژمنه کړې

پاکستان: امريکا د ملا فضل الله د وژلو ژمنه کړې

Jan 27, 2015 - 12:29

کابل (پژواک، ٧ سلواغه ٩٣): پاکستان وايي چې امريکا ورسره د ملا فضل الله د وژلو او يا تر ژوندي نيولو وروسته د سپارلو ژمنه کړې ده.

دغه څرګندونې د پاکستان د دفاع وزارت مرستيال تورن جنرال عالم خټک پرون د مشرانو جرګې د دفاعي کمېسيون له غړو سره د يوې ځانګړې ليدنې پر مهال کړې دي.

پاکستانۍ رسنيو خبر ورکړى چې نوموړي د دې ليدنې پر مهال  امريکا ته د پوځ د مشر جنرال راحيل شريف د سفر او لاسته راوړنو په اړه معلومات ورکړل.

سرچينې زياته کړې چې دغه راز په دې غونډه کې د پاکستان او افغانستان پر وروستيو امنيتي حالاتو هم خبرې شوې دي.

جنرال عالم خټک ويلي چې راحيل شريف امريکايي چارواکو ته د پاکستان په ناامنيو کې د هندوستان د لاس لرلو په اړه کره ثبوتونه وړاندې کړي دي.

هغه زياته کړې، امريکايي چارواکو له جنرال راحيل شريف سره ژمنه کړې چې د پاکستان د تحريک طالبان مشر ملا فضل الله به يا وژني او يا به يې ژوندى نيسي خو که يې ژوندى ونيوه، نو پاکستان ته به يې سپاري.

ملا فضل الله چې د حکيم الله مسعود تر وژل کېدو  وروسته د پاکستاني طالبانو مشر ټاکل شوى، ادعا کېږي چې له افغانستان سره په سرحدي سيمو کې پټ دى.

  پر نوموړي د پاکستان پر پوځ او يو شمېر ملکي چارواکو تر بريدونو وروسته د ملالې يوسفزۍ او د پېښور پر ښوونځي په بريد کې د لاس لرلو تورونه هم دي.

د پېښور پر ښوونځي تر بريد وروسته چې په ترڅ کې يې ١٤٢ زده کوونکي ووژل شول، د پاکستان د پوځ مشر کابل ته سفر وکړ او له افغان حکومته يې د ملا فضل الله  د سپارلو غوښتنه وکړه.

خو د افغانستان حکومت تر اوسه په رسمي توګه دا نه ده منلې چې ملا فضل الله دې د افغانستان په خاوره کې وي.

Tags: